یاییلیب : دوشنبه 20 مرداد 1393 | یازار : آرتا رحیمی | بؤلوم :
استاد شاهی شئرلری | 3 دوست آرتـانی یادا سالیب
كیپریك لریوه جانیمی قربان دئمیشم من
قان- قان بویوران اوخلارا جان- جان دئمیشم من
عشق آتشی دیر قلبی ائدن قبله ی عالم
اود سوز اوره گه سنگ بیابان دئمیشم من
ترك ائت دئدیم ای دیل او قرا زلفو بویوردو
هر رشته سینه رشته ی ایمان دئمیشم من
هر كیمسه یه كیم خال و خطین سّرینی بیلمز
علامه ی دهر اولسادا نادان دئمیشم من
دلدار سؤزوندن سوراكی سؤزلره شاهدی
هر سؤز دئمیشم دهر ده هذیان دئمیشم من
جان كعبه سی دیر صورتون اول كعبه ی جاندان
اُوز دؤنده ره ن انسانلارا شیطان دئمیشم من
اوستاده دئدیم درگه معشوقده " شاهی "
سائلدی ، دئدی سائله سلطان دئمیشم من
+0 به یه ن
یاییلیب : شنبه 4 مرداد 1393 | یازار : آرتا رحیمی | بؤلوم :
عاشیقلیق شئرلری | 1 دوست آرتـانی یادا سالیب
برق اولمادی، قیزیم گئجه یاندیردی لاله‌نی
پروانه‌نین، اودم ده باخیردیم اداسینه
گؤردوم طواف كعبه ده یاندیقجا یالواریر
سؤیلور: «دؤزوم نه قدر بو عشقین جفاسینه؟
یا بو حجاب شیشه‌نی قالدیركی ساورولوم
یا سوندوروب بو فتنه‌نی، باتما عزاسینه!»
باخدیم كی شمع سؤیله دی: «ای عشقه مدعی !
عاشق هاچان اولوب یئته اؤز مدعا سینه؟
بیر یار مه لقادی بیزی بئیله یاندیران
صبر ائیله یاندیران دا چاتار اؤز جزاسینه»
اما بو عشقی آتشی عرشی‌دی، جاندا دیر
قوی یاندیریب خودینی یئتیرسین خدا سینه
محمدحسین شهریار
+0 به یه ن