یاییلیب : جمعه 3 آبان 1392 | یازار : آرتا رحیمی | بؤلوم :
گوزل حورمتلی شئرلر | 4 دوست آرتـانی یادا سالیب
سن سیز اوره گیم ناره گرفتار اولو گئتمه
کئچمیش قارا گونل منه تکرار اولو گئتمه
مین دردیمه درمان گتیریب نرگس مستون
گئتسون دل سودا زده بیمار اولو گئتمه
اون دورت گئجه لیک آی کیمی ساچ کونلومه یوخسا
زلفون کیمی آیدین سحریم تار اولو گئتمه
کونلوم قوشی چیخمازدی چمن سیرینه سن سیز
سنلن گوزلیم مایل گلزار اولو گئتمه
حاشا گوله بیر گول اوزمه دهر ده سن سیز
گلشنده ده گوللر گوزومه خار اولو گئتمه
جان نقدینه بیر نازینی ساتسون آلارام من
کیم من کیمی اول نازه خریدار اولو گئتمه
عشاق آرا باشیم اوجالار داغ کیمی قالسون
اغیار آرا «عاصم» قوجالیب خوار اولو گئتمه
+0 به یه ن