اگر شهره ی خاص و عام اولموشام

اگر نایل اخذ كام اولموشام

گرفتار عشق مدام اولموشام

نه شاهم نه خلقه امام اولموشام

فقط اهل بیته غلام اولموشام

من اوز یاریمی عالمه ورمرم

كرملی شاهی حاتمه ورمرم

علی آقام دیل غمه ورمرم

اونی عیسی مریمه ورمرم

بو سرمایه چوخدی كمه ورمرم

اوجوز ساتمارام یك كلام اوموشام

فقط اهل بیته غلام اوموشام

حسینون اگر گول دوداغی گوله

قالار غنچه حیران گول ایستر اوله

اوچ آیلیخ آچان گول لری آت چوله!

حسین حسنونی بولچی گر دوز بوله

چاتار ذرّه سی یوسف خوشگله!

كیمین گور كمندینده رام اوموشام

فقط اهل بیته غلام اوموشام

حسینون آدون یاز قرا پرچمه

اونی ور نشان عیسی مریمه

ائدر گور مسیحا نه لر زمزمه

دیر آند اولا چكدیگیم هر دمه

اونون ورمرم بیر توكون عالمه

قسم خورده ی شیر مام اولموشام

فقط اهل بیته غلام اولموشام

منی آللادانمز اهل غرض

یا ذوالفی غنی فی قلوبین مرض

حسین جوهر جاندی عالم ارض

بهشتی منه ورسه لر الغرض

آلوب كربلیله ائتمم عوض

ده زاهد مگر من عوام اولموشام

فقط اهل بیته غلام اولموشام

استاد حاج ولی الله كلامی زنجانی