یاییلیب : شنبه 4 مرداد 1393 | یازار : آرتا رحیمی | بؤلوم :
عاشیقلیق شئرلری | 1 دوست آرتـانی یادا سالیب
برق اولمادی، قیزیم گئجه یاندیردی لاله‌نی
پروانه‌نین، اودم ده باخیردیم اداسینه
گؤردوم طواف كعبه ده یاندیقجا یالواریر
سؤیلور: «دؤزوم نه قدر بو عشقین جفاسینه؟
یا بو حجاب شیشه‌نی قالدیركی ساورولوم
یا سوندوروب بو فتنه‌نی، باتما عزاسینه!»
باخدیم كی شمع سؤیله دی: «ای عشقه مدعی !
عاشق هاچان اولوب یئته اؤز مدعا سینه؟
بیر یار مه لقادی بیزی بئیله یاندیران
صبر ائیله یاندیران دا چاتار اؤز جزاسینه»
اما بو عشقی آتشی عرشی‌دی، جاندا دیر
قوی یاندیریب خودینی یئتیرسین خدا سینه
محمدحسین شهریار
+0 به یه ن