یاییلیب : شنبه 15 آذر 1393 | یازار : آرتا رحیمی | بؤلوم :
استاد شاهی شئرلری | 1 دوست آرتـانی یادا سالیب
خم ده سیندی سبوده جاملاردا
پخته لرده كول اولدو خاملاردا
یوخ گولوش بیر دوداقدا بیر گؤزده
پسته لر زهر اولوب باداملاردا
خیره لر خبره لر یئرین دوتموش
ذوقدن دم وورور زكاملاردا
بس كی قلّابی دیر صداقت لر
قلبی لیللندیریر سلاملاردا
اول قده ر خلقی توولاییب دونیا
دین ده یاد دان چیخیب اماملاردا
تكجه علم اهلی خلقه تیكمز بؤرك
شیطانا دؤن بیچر عواملاردا
كافری بیر كاسا سو پاك ائتدی
بیزی پاك ائلیه مز حاماملاردا
رستمینده قلینجی پاسلاندی
باتدی قانلاركیمی قیاملاردا
شعرده یونگول اولدو شاهی ده
ایتدی عزّت ده احتراملاردا
استاد شاهی
– 1355خزل آیی
+0 به یه ن