دوشدوم نفـَسدن اولمادی بیر هم نفس منه

ای عیسوی نفس سن اوزون ویر نفس منه

مجنون کیمی بو دهرده ای یار لیلی وش

بالین استراحت اولوب خار و خس منه

نالم ایدوبدور اوقدر تأثیر داغ داشا

داغ داش من آغلیاندا ویرور ایندی سَس منه

فضولی کئچ سن بو سودای عشقدن

جان قور خوسی وار او مه لقا لردن سنه

فضولی

قویدو ویرانه زامان جبری اگر خانه میزی

عشق آباد ائده جک غم یئمه ویرانه میزی

چوخدا سالمیر یادینا بیزلری زر تئلی گونش

گینه دولدورمالی دیر شوقیله پیمانه میزی

ظلمتین دیوینه گوج گلمسه ده آی چراغی

جام می واردیر ایشیقلاندیرا میخانه میزی

سارالان صورتینی سعی ائله سیلی له قیزارد

ضعفیمیز بلکه سئویندر مییه بیگانه میزی

گل وئرک باغچادا بولبول الینی گول الینه

بزم عشّاقه چکه ک شمعیله پروانه میزی