اوچور ایلهامیم او قوشلار كیمی كی
یاز وعده سینده
قووزانیر ماوی گؤیه تا اوجا باش بیر داغا قونسون
كؤرپه قارتال كیمی دیر
گاه چكیلیر گوزده ن ایتینجه ك
اگ له نیر گاه ساوالان عشقینه – آغدان – آغا قونسون
هر اوجا داغ كی گؤرورسن باشی قاردلا آغاراندی
اورا بیل كی ساوالاندی
آمما یوخ !
هر اوجا داغ سسیمی السا دا تئز قئیته ره جكدی
سسی قئیته رمك همان یئل بیله جكدی
آخی یئل یولچودو گئتگین اوكی سؤز ساخلایا بیلمز
یئل سؤزو قاپدی قاچیردار اونو كیم هاخلایابیلمز
یئل گئدرگیندی پیچیللارسؤزوكوللار قولاغیندا
سؤزو قربان ائله یر قیرنادا قانقال آیاغیندا
چئویره ر سؤز چاناغیندا
جالایارداغلارا هر بیر سؤزو مین سؤز تؤره دندی
بیلمیرم سیرری ندندی
یئل گئده ر گیندی یئلی ساخلاماق اولماز
یئله بئل باغلاماق اولماز
آمما سن ای سؤزو سینه نده كؤزردن ساوالانیم
كیم گله صدقله زرتشت بئجردن ساوالانیم
ائلیمین شانلی داغی باشیوه مین لرجه دولانیم
اریدیب ائل غمی بیر یول سنی كؤكدن ده تالانسان
سئل اولوب قانلی دنیز لر كیمی دونیایه جالانسان
آدی دیللرده قالاناسان
ساوالانسان ، ساوالانسان
ساوالان ائل غمینی بللی دی ساخلار سینه سینده
سینه سی كؤزدو آلودور گیزیریك اینسی سی واردیر نفسینده
شاعرین غملی سه سینده آلگیلان ساخلاسن ای ائل داغی غملی قفسینده
ساوالان آلسادا هر سیرری سؤزو داغلارا سالماز
گؤره نامرد دوروبدور ساوالاندان سس اوجالماز
ساوالاندا تؤكولن داشلاری دیندیر دانیشاللار
سالسا عاشیق نفسین كوللارا آلیشاللار
ده ده قورقود سازی چالسا
دلی دومرول باش اوجالدار
بلی البته كی یولداش باشینی یولداش اوجالدار
سسله عاشیق سازی چالسین
سسی میز بیرده اوجالسین
اویناماق لیز گی یه دؤنسون
كاس شوشه م گوزگویه دؤنسون
قوی وئره ك سس سسه باهم اوخویاق بیر ده كوراوغلو دلی سیندن
هجرین قوچ نبی سیندن
اوكی ظالیملری مظلولارین اوستونده ازه ردی
او كی آسلان كیمی داغلاردا یاتیب باغدا گزه ردی
اوخو عاشق اوخو
سن بیل او كی تانری تانییبسان
سؤزومه دوز جالییبسان
سوموگوم قوی سازا گلسین
بولبولوم آوازا گلسین
یازمیشام ایوازا گلسین
گوچ آلاق قوی دلی لردن
باج آلاق اجنبی لردن
او كی بیلمیر نبی كیمدیر قویون آذر ائلینی مسخره سانسین
بیر عؤمور دوركی فضولی نی – نسیمی نی دانیب ایندی ده دانسین
شهریار تك سن اوجالت باشیوی قوی عرشه دایانسین
قوی باخار كور تر ایچینده جوموبان اؤلسون – اوتانسین
اوكی آخساخدی یوبانسین
اوكی توركون دیلین اسگیتمه گه تصویره سالیبدیر
اوكی توركون بالاسین ایندی ده آشغالچی سانیبدیر
او تفاله بیلیرم فیكیرینی طاغوتدان آ لیبدیر
او رژیمدندی قالیبدیر
یوخسا توركون بالاسیندا نچیخیب علامه ی دوران
اونا دونیا باش ا ییر فلسفه ده
بیر جه نه ایران
قوی دئییم شهریاریمدان
"نیسگیل او چرچی یه قالسین كی جواهر نه دی ، قانمیر"
فیكری آللاتما دادیر خالقی ،ائلین حالینه یانمیر
اریمیر ، اؤلمور ، اوتانمیر
آخی ای قاردا ، دوماندا باش اوجالدان ساوالانیم
غمی ، دونیا نی قوجالدان ساوالانیم
ائل بیلیر داغلار آرا هراوجا داغلار باشی سن سن
وئرسهنده الیوی قارداشیوین سیر داشی سن سن
وئر گیلن بیر لیك الین بیرده دماونده اونون یولداشی سن سن
اوندان آیریلما آماندی
یولوموز چندی دوماندی
قوی ایگیدلر سیزه فخر ائیله ییبن باشان اوجالتسین
قویما قارتال دولانان یئر لره قوز غون الی چاتسین
ساوالان چنلی چاغیندا
منیم ایلهامیم اولاركن
كؤنلوم اؤز سرری سؤزون صدق ایله سؤیلر ساوالانه
ساوالان كؤز قالادار شاعر اولانلار سینه سینده
اوردا زرتشت گئیب تانریدان ایلهامین آلانه
اگیرم باش ساوالانه ، اگیرم باش ساوالانه
+0 به یه ن
نه گوزل
یارادیب یارادان سنی
سئویرم هر گوزو قارادان سنی
بورویوب هر یانی گوزللیك شووقون
دوغوردان ساغ اولسون یارادان سنی
سن ائله گوزلسن خانچوبان گورسه
امینم چوخ سئور سارادان سنی
من سئلم،سن سارا ، خانچوبان رقیب
كونول وئر قاچیریم آرادان سنی
چوخ گوزللر گوروب سئومه‌دیم آمما
گورمه‌میش بگندیم قارادان سنی
سئودالی كونلومده باش وئریب بوران
سسله‌ییر سانجیلار یارادان سنی
زامانا ،مكانا سیغماییر هوسنون
من یازیق آختاریم هارادان سنی؟
قورخورام كوفر اولا،دئیردیم یوخسا
نه گوزل یارادیب یارادان سنی
Nə gozəl yaradib yaradan sənı
Sevirəm hər gozu qaradan sənı
Buruyub hər yanı gozəllik şovqun
Doğurdan sağ olsun yaradan sənı
Sən elə gozəlsən xançoban gorsə
əminəm çox sevər saradan sənı
mən seləm,sən sara , xançoban rəqib
konul ver qaçirim aradan sənı
çox gozəllər gorub sevmədim amma
gorməmiş bəgəndim qaradan sənı
sevdalı konlumdə baş verib boran
səsləyir sancilar yaradan səni
zamana ,məkana siğmayir husnun
mən yaziq axtarim haradan sənı?
Qorxuram kufr ola,deyərdim yoxsa
Nə gozəl yaradib yaradan sənı.
"sulduzlu"
+0 به یه ن
منیم ای نازلی دلداریم ، منیم ای دردیمه درمان
منیم ای دولتیم ، واریم ، باغیشلا ، گئچ گناهیمدان
سالاندا سن منی بنده ، یاخینلیق اولماسا سنده
اگر قانیمی تؤکسنده ، یولومدان دؤنمرم بیر آن
شیریندیر لبلرین دلبر ، او گول رخسارینی گؤستر
یازیق کؤنلوم سنی ایستر ، منی الدن سالیر هجران
جمالین پرده یه سالما ، بو عاشیقدن اوزاق قالما
گؤزومدن انتقام آلما ، منی قویما بئله حیران
بدخشان لعلی سنسن یار ، اوزون یاقوت کیمی پارلار
سنون حسنونده دیر گلزار ، جمالیندیر نگارستان
منیم چین لیلی ، عمر انسان ، و یا بلقیس و صنعانسان
یادا بیر ماه کنعانسان ، سنه اولسون جانیم قوربان
منی سنی مجنون ائتمیش سن ، حیاتدا محزون ائتمیش سن
اوزونه مفتون ائتمیش سن ، ائدیبسن قلبیمی بریان
دئییردیم من سنین یارین ؟ کی اولدوم ایندی بیمارین
سنین نورانی رخسارین ، منی یاندیردی ، ای جانان
نظامی اولدو بیچاره ، ائدیب هجرانین آواره
تاپیلمیر دردینه چاره ، اولوب جاری گؤزوندن قان
استاد نظامی گنجوی
+0 به یه ن
دلبــــــــرا دردی دلیمـــــــــدن بیله عنوان ائتدیم
کی غمــــــــــه هـجرده دل ملکونو ویران ائتدیم
ممـــــکن اولماز منه وصلین بیلیرم حشره کیمی
اول سبب مسکنیمی کـــــوه و بیابـــــــان ائتدیم
عشـــــق سلطانــــــی منیم قتلیمه فرمان گتیریب
ائتمــــــه دیم تــــــــرک وفا طاعتی فرمان ائتدیم
سری کویــوندا قــویوب باشیمی بیر اوف دئمه دیم
سری صدقیلـــــــه دل و جانیمــــــی قربان ائتدیم
یا طبیب آدینـــــی تــــــــــرک ائیله طبابت ائتمه
یا منیم دردیمــــــــــی تاپ گؤر نییه توفان ائتدیم
یوخدی بیر کــــمسه مگر دردیمی بیلسین یا رب
کی من اوز قانیمـــــــــــیله دردیمه درمان ائتدیم
دردی هـــــــجرینده گؤزوم یاشی توتوب دونیانی
نوح توفانــــــــــــی کیمی گؤرکی نه توفان ائتدیم
ناتوان ائتمــــــه دی اول سنــــــگ دلــــه ناله اثر
گئجه- گوندوز نه قـــده ر نالــــه و افغـــان ائتدیم
خورشید بانو ناتوان
+0 به یه ن
شراب اولا، من اولام، بیرده نازلی دلبر اولا
بیر ئوزگه عالمی واردر، اگر میسر اولا
صفای مجلس می مین، بهشتدن آرتقدر
بیر الده گل توتا جانان، بیر الده ساغر اولا
اولاندا مست، آچا زلفین نگار، نشئه سی وار
عمومه ذوق ویره بزم می معطر اولا
بساط باده ده حال اهلینین فداسی، اولوم
شرابی قال ایله ایچمه، اگر پیمبر اولا
اسیر زلفنم، ای شوخ، گل آجیقلانما
اسیره حرمت ایدرلر، اگرچی کافر اولا
نه لیلی سن کیمی اولمش، نه من کیمی مجنون
نه کاره در گلوپ اونلار بیزه برابر اولا
گوره‌نده، واحد، اوزون یاریمین اسیر کونلوم
نه نوع ساکت اولار؛ اود اولا، سمندر اولا
+0 به یه ن
هرعاشق اولان عشقه گرفتار اولابیلمز
هرخورما ساتان میثم تمار اولابیلمز
مخلوق خداوند اوزونه اولمیان عاشیق
حق عاشقه تک صاحب ایثار اولابیلمز
دونیا مالونا شهرتینه وورقون اولانلار
انفاق ایله مز طالب دیدار اولابیلمز
ماموره اگر رشوه یماخ اولماسا عادات
مظلوملارین قاننه ظالم سورا بیلمز
میمون تکین هر سوزه تقلید ایلینلر
اندیشه ادیب صاحب افکار اولابیلمز
«صابر» یمه غم هر گونین ئوز قصه سه واردور
مفرق پاراسه گوهر شهـوار اولابیلمز
+0 به یه ن
تنگ اولور باشیمه تک لیگ ساری عالم گجه لر
بیر نفر
اولمادی منله اولا همدم گجه لر
عشقه بیگانه اولانلار نه بیلر کیم نه چکیر
چکمسین
من چکنی اهل جهنم گجه لر
بیر منم بیر ده قلم بیر ده بو ویرانه اووم
گلیریگ
هر اوچوموز نا له یه با هم گجه لر
کیمسه بیلمز او رگیم سیرینی دنیاده منیم
یاز قلم
دور ماکی سن سنمنه محرم گجه لر
بو سینان قلبیمه گوندوز ورولان یاره لر
مهربان یار ا لی ایستر قویا مرهم گجه لر
+0 به یه ن
یــل تـوخــونــــدو یــاپــراقـــلارا
نـــغـــمـه دولــدو دوداغــقــلارا
دونـــوب بــاخــــدیم اوزاقـــلارا
سنی گوردوم گوزل سوگیلیم
تـــام آرزولار گـــوروشـــه نـده
مــورازلیــلار گولــوشــــه نـده
اویــمیـــزه گــون دوشــه نـده
سنی گوردوم گوزل سوگیلیم
بــیر مهربــان قــیز گــوره نـده
بیـــر جوت آلا گوز گــوره نــده
قــارا خاللی اوز گـــوره نـــده
سنی گوردوم گوزل سوگیلیم
بهــار قـــالی تــوخـــویـــانــــدا
گــوشـــلار نغــمــه اوخویـانــدا
ایـــلدیــریـــملار شــاخیــانـــدا
سنی گوردوم گوزل سوگیلیم
یــا اوزومــدن کــوسـنــده مــن
یــا فــیکیــرلی گه زه نده مــن
گـــوزه للریــن گـوزونـــده مــن
سنی گوردوم گوزل سوگیلیم
+0 به یه ن
گول منی سن ایسته سن عومروم هدر اولماز
صلح اولماسا، اولاد وطن بخته ور اولماز
آزاده لیقی، صولحی سئویلر بیزیم ائللر
بیر یئرده کی، صولح اولسا، او یئرده ضرر اولماز
اودلار وطنین نازلی گوزه للر بورویوبدور
ائللرده مثل وارکی، گوزل سیز شهر اولماز
آهیم اودو بلکه ائله سین قلبینه تاثیر
نیسان سویونو ایچمه یه داشدان گهر اولماز
هیجران گئجه سی، من چکنی چکمه سین اغیار
ظننیم جه قیامت گونو بوندان بتر اولماز
زولفون اوزونو توتسادا، گویچک لیگین آرتیر
ظلمت گئجه لر اولماسا آیدین سحر اولماز
واحد سنه، غم چکمه رقابت ائدن اولسا
مین گول قووشا بیر یئره، بحر خزر اولماز
+0 به یه ن
دیلیم یالقیز، دیلیم یالقیزدیر آی قیز
اوغول شیرین ولی قیز بالدیر آی قیز
آماندیر اوزاق دورما تورکون دیلیندن
اوکی اصلین دانار کال قیزدیر آی قیز
بیزیم تورکون دیلی گول دن ظریف دیر
بوتون دیللر دال اولسا بو الیف دیر
ادب ده علم ده هر بیر هونرده
سیز آللاه تورکلره کیم لر حریف دیر
وارلیقدا بوتون وار یوخوموز شعر و غزل دیر
هر بیر غزلی اللی آرا تورکه مثل دیر
من جعفری ام سؤز یازارام تورکو دیلینده
تورکون بالاسی تورک اولا عالمده گؤزل دیر
استاد هوشنگ جعفری
+0 به یه ن
آی اوزلو نگاریم کیمه مهمان اولاجاقسان
بیر سؤیله کیمین شانینه شایان اولاجاقسان
شاهلیق چتری وار باشین اوستونده بو آخشام
عنبر چترینله کیمه سلطان اولاجاقسان
شکر دئمیرم من سنه اوندان دا شیرین سن
دلبر نئجه بیر بختوره جان اولاجاقسان
ظلمت گئجه سن نورلی چیراغ ، پیس گوزه گلمه
ای آب حیات سن کیمه جانان اولاجاقسان
گئتدین نئجه بس تاب ائله سین هجره نظامی
او خسته ایکن، سن کیمه درمان اولاجاقسان
+0 به یه ن